Plantun de Prouvènço

Pèr coumpara dos planto d'encò nostre

Valerianella echinata & Zygodon rupestris

Douceto(-banarudo)

Valerianella echinata

Caprifoliaceae Valerianaceae

Àutri noum : Grasseto, Greisseto.

Noms en français : Doucette à piquants, Mâche à piquants.

Descripcioun :
Aquesto douceto èi devengudo proun raro au nostro. Trachis dins li champ de culturo subretout mena en bioulougico qu'èi vengudo i'a de milo an emé lou blad (arqueoufito). Se recounèis eisadamen, qu'èi pas toujour lou cas dins aquesto famiho, emé si fru di tres bano (fotò) .

Usanço :
S'acampo en rouseto e se manjo coume ensalado champanello.

Port : Erbo
Taio : 15 à 80 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Blanco
Petalo : 5
Ø (o loungour) flour : 1 à 2 mm
Flourido : Printèms

Sòu : Ca
Autour basso e auto : 0 à 1200 m
Aparado : Vo
Remarco : Ensalado champanello
Abriéu à jun

Liò : Champ - Meissoun - Ermas
Estànci : Termoumediterran à Mountagnard
Couroulougi : Estenoumediterrano
Ref. sc. : Valerianella echinata (L.) DC., 1805

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.